Perez dhe Laporta kanë një pakt të fshehtë, nuk do të vjedhin lojtarët e tyre

Barcelona dhe Real Madrid janë rivalë të mëdhenj / foto: EPA-EFE / Alberto Estevez

Presidentët e Real Madridit dhe Barcelonës, Florentino Perez dhe Joan Laporta megjithëse janë rivalë të mëdhenj, në interes të ekipeve të tyre, ata bashkëpunojnë së bashku dhe arrijnë një pakt të fshehtë.
Kështu ishte edhe kur po krijohej Superliga evropiane, dhe gjithçka u ra dakord për të mos vjedhur lojtarët e tyre, shkruan “Marka”.

Perez dhe Laporta kanë rënë dakord që të mos shfaqin interes për lojtarët e Barcelonës apo Real Madridit që kanë ende kontrata me skuadrat e tyre.

“Real dhe Barcelona kanë frikë nga njëri-tjetri, nuk e duan njëri-tjetrin, por prapëseprapë e respektojnë njëri-tjetrin. Perez dhe Laporta ranë dakord se është më mirë të jenë në marrëdhënie të mira dhe të mos luftojnë kundër njëri-tjetrit për lojtarët e tyre. Perez dhe Laporta biseduan fshehurazi për muaj të tërë dhe ranë dakord që të mos merrnin lojtarët që u skadon kontrata dhe që mund të shfrytëzonin interesin e rivalit të madh për të marrë kontrata më të mira. “Ai pakt është në fuqi vetëm për lojtarët me kontratë, ndërkohë që nuk ka rregulla në merkato”, shkruan Marka.

Kjo marrëveshje u arrit pasi në publik u shfaq informacioni se Real Madridi është i interesuar për lojtarin e Barcelonës, Ronald Araujo.

Video e ditës