Pentagoni ashpër ndaj Moskës: Rusia nuk ka të drejtë të vendosë për Suedinë dhe Finlandën
Rusia nuk ka të drejtë të vendosë nëse Suedia dhe Finlanda do të anëtarësohen në NATO, tha zëdhënësi i Pentagonit, John Kirby.
Ai tha se presidenti Vladimir Putin kishte paralajmëruar se bashkimi i Finlandës në aleancë do të ishte një gabim, por tha se Rusia nuk kishte të drejtë të reagonte.
Presidenti finlandez Sauli Niinisto ka thënë më parë se vendi i tij do të aplikonte për anëtarësim në NATO.
Autoritetet finlandeze thonë se vendi ka vendosur zyrtarisht të aplikojë për anëtarësim në NATO. Presidenti Sauli Ninisto dhe kryeministri Sanaa Marin njoftuan vendimin në një konferencë shtypi.
Parlamenti finlandez pritet të miratojë vendimin në ditët në vijim. Megjithatë, lëvizja konsiderohet thjesht një formalitet.
Siç është paralajmëruar, një aplikim zyrtar për anëtarësim do të dorëzohet më pas në selinë e NATO-s në Bruksel.