Pendarovski i shprehu ngushëllime Erdoganit për viktimat e tërmetit në Turqi
Presidenti Stevo Pendarovski i shprehu ngushëllimet e tij presidentit turk Rexhep Tajip Erdogan dhe familjeve të të vdekurve nga tërmeti i fuqishëm në Turqi.
- I shpreh ngushëllimet më të thella familjeve të të vdekurve, Presidentit Recep Tayyip Erdogan dhe popullit turk në këto momente të vështira pas tërmetit të tmerrshëm që goditi Turqinë. Të lënduarve ju uroj shërim të shpejtë, ka shkruar presidenti Pendarovski në profilin e tij zyrtar në Facebook.
VIDEO | Mbi 300 të vdekur nga tërmeti i tmerrshëm në Turqi dhe Siri
Ministria e Punëve të Jashtme ka kontaktuar Ambasadën e Maqedonisë së Veriut në Ankara dhe Konsullatën e Përgjithshme në Stamboll, të cilat janë në komunikim të vazhdueshëm me institucionet kompetente të Turqisë.
DCP-të tona në Turqi janë në dispozicion 24 orë në ditë për të gjitha pyetjet e mundshme, në numrat e telefonit: +905394569710 në Ankara, +905456149777 në Stamboll dhe + SOS telefon i MPJ-së në Shkup 38975273732, njofton MPJ.
Më shumë se 300 njerëz humbën jetën në Siri dhe Turqi nga një tërmet i fortë pranë qytetit jugor të Turqisë, Gaziantep, herët në mëngjes. Numri i viktimave pritet të rritet.
VIDEO | Mbi 300 të vdekur nga tërmeti i tmerrshëm në Turqi dhe Siri
VIDEO | Pas tërmetit shkatërrues në Turqi, një tubacion gazi shpërtheu