Pedro Sánchez u zgjodh president dhe Edi Rama nënkryetar i Internacionales Socialiste
Kryeministri i Shqipërisë, njëherësh kryetar i Partisë Socialiste, Edi Rama është zgjedhur nënkryetar i Internacionales Socialiste.
Lajmin e ka bërë të ditur sekretari i përgjithshëm i Partisë Socialiste, Damian Djiknuri.
– Në Kongresin e 26-të të Internacionales Socialiste, kryetar u zgjodh kryeministri i Spanjës, Pedro Sanchez, i cili mori vlerësime pozitive dhe mbështetje të plotë nga Partia Socialiste e Shqipërisë si pjesë e familjes së madhe të socialistëve dhe progresistëve në botë. Lideri ynë Edi Rama është zgjedhur nënkryetar, tha Djiknuri.
Nga data 25 deri më 27 nëntor në Madrid të Spanjës mbahet Kongresi i Internacionales Socialiste, i organizuar nga Partia Socialiste e Punëtorëve Spanjoll, PSOE.
Partia Socialiste e Shqipërisë është pjesë e Internacionales Socialiste që nga viti 1999. Ky është mandati i dytë i Ramës si nënkryetar, pas mandatit të parë që fitoi në 2013