Ish-ministri i Çështjeve Evropiane të Bullgarisë, Gergana Pasi në lidhje me vendimin e Sofjes për dëbimin e 70 përfaqësuesve diplomatikë rusë dhe ultimatumit të refuzuar të ambasadorit rus Eleonora Mitrofanova i tha Euronews Bullgarisë se vendi i saj ka marrë mbështetje të plotë nga NATO dhe Përfaqësuesi i Lartë i BE-së për Punët e Jashtme dhe se është në përputhje të plotë me legjislacionin ndërkombëtar, Konventën e Vjenës dhe interesat kombëtare të Bullgarisë.

Siç njoftoi korrespondenti i MIA-s nga Sofja, Passi beson se këta 70 punonjës të ambasadës ruse në Sofje, pavarësisht nëse kanë status diplomatik apo teknik, praktikisht janë njësi ushtarake nën mbulesë diplomatike.

“Dhe, padyshim, vendimi i kryeministrit dhe i qeverisë së Bullgarisë korrespondon me interesin kombëtar dhe sigurinë e shtetit”, theksoi ajo.

Gergana Passi tha se nuk ka dyshim se ky vendim është i saktë dhe nuk do të ketë gabim më të madh se një hap prapa dhe dorëheqja e kryeministrit. Kiril Petkov dha një sinjal shumë të qartë se ai nuk kishte qëllime të tilla.

Afati që autoritetet bullgare u dhanë 70 diplomatëve rusë, përfshirë personelin teknik, për t'u larguar nga Bullgaria për shkak se ishin "të përfshirë në spiunazh" skadon të dielën.

Burimi: MIA