Priftërinjtë mbajtën një ritual të veçantë “pastrimi” në altarin kryesor të bazilikës së Shën Pjetrit, i cili përdoret edhe nga Papa Françesku, pasi hapësira u përdhos të dielën nga një burrë që u shfaq aty lakuriq për të protestuar kundër luftës në Ukrainë.

Në meshën e lutjes të udhëhequr nga Kardinali Mauro Gambetti burri, një shtetas polak, u zhvesh dhe qëndroi para altarit të bazilikës të enjten. Në shpinë të tij shkruhej "shpëtoni fëmijët e Ukrainës".

Sigurimi i Vatikanit ia dorëzoi protestuesin policisë italiane, e cila e ndaloi dhe ndërkohë e dëboi nga Italia.

Gambetti tha se burri kishte bërë një "gjest të gabuar dhe të papërshtatshëm, i cili është për të ardhur keq", në mënyrë që të tërhiqte vëmendjen ndaj viktimave të luftës.

Një burim nga Vatikani bën me dije se gjatë incidentit, protestuesi ka vetëshkaktuar gërvishtje në trup.