Pandev: FFM është bërë federatë private e futbollit, ma shpërfillin vlerën

Ish përfaqësuesi maqedonas i futbollit Goran Pandev/foto: FFM

Goran Pandev i cili la gjurmë të mëdha në klub dhe në kombëtare kohët e fundit vendosi t'i japë fund karrierës si futbollist profesionist.

Ish përfaqësuesi ynë në një prononcim për “Studio 10” në Tv 24 tha se është injoruar nga njerëzit e parë të futbollit maqedonas dhe se nuk merr vëmendjen e duhur nga ana e tij Federata e Futbollit të Maqedonisë (FFM).

– Njerëzit e njohin vlerën time, edhe pse ka nga ata që e shpërfillin atë. Shpresoj që e kam përfaqësuar mirë Maqedoninë dhe i falënderoj të gjithë që më kanë përkrahur. FFM është bërë një federatë private e futbollit dhe mendoj se nëse diçka nuk ndryshon së shpejti, jo vetëm që nuk do të përparojmë si kombëtare, por edhe do të shkojmë prapa – tha Pandev.

Ish-sulmuesi i futbollit thotë se duhen njerëz që duan të kenë sukses në sport.

- Nuk dua të përfshihem në çështje politike, dhe këtu në Maqedoni ka politikë në çdo gjë. Ndoshta kjo është arsyeja pse lojtarët po largohen. Por atë atmosferë e krijon FFM-ja. Të gjithë e dinë, por askush nuk dëshiron të dalë dhe ta thotë publikisht. Na duhen njerëz që duan të kenë sukses në sport - thotë Pandev.

VIDEO: Pandev nga Milani paralajmëron një projekt të madh në të mirë të futbollit maqedonas

Video e ditës