Drejtori i Agjencisë për Ushqim dhe Mjekësi Veterinare, Nikolçe Babovski në konferencën e sotme për media konfirmoi se frutat dhe perimet në vend janë të sigurta. Babovski bëri të ditur gjithashtu se në ditët në vijim do të dihet nëse AHV do të bëjë kallëzim për përhapje të panikut dhe alarmit të rremë.

Ai informoi se rezultatet e analizave për prezencën e pretenduar të mbetjeve të metaleve dhe metaleve të rënda kanë qenë negative.

- Të gjitha rezultatet për mbetjet e supozuara të metaleve ose praninë e metaleve të rënda në fruta dhe perime janë negative. Nuk e di se cili ishte qëllimi për të përhapur panik te qytetarët. Duket se dikush ka gënjyer dikë apo dikush ka ngatërruar mikro dhe miligramë, tha Babovski duke iu përgjigjur pyetjeve të gazetarëve lidhur me akuzat e opozitës.

Para dy ditësh, Cvetan Tripunovski nga VMRO-DPMNE, në profilin e tij në Facebook, ndau informacione sipas të cilave në domate dhe kastravec janë gjetur plumb, kadmium dhe arsenik. Këtë, siç tha Tripunovski, e tregojnë raportet e fundit të analizave të bëra nga Laboratori Shtetëror Fitosanitar.