Ky grup njerëzish është “rezistent ndaj koronavirusit”: Shkencëtarët kanë përcaktuar se çfarë i mbron ata nga virusi

Foto: Profimedia

Shkencëtarët suedezë kanë zbuluar se një e treta e njerëzve në Evropë do të jenë në gjendje të luftojnë më lehtë infeksionin me koronavirus, falë gjenit specifik që kanë, i cili redukton ashpërsinë e pamjes klinike me 20%.

Është identifikuar gjeni që ul ashpërsinë e sëmundjes si pasojë e koronavirusit, thonë shkencëtarët, do të ndihmojë në prodhimin e barnave të reja për të trajtuar të infektuarit me virusin që e ka mbajtur planetin në kthetrat e tij për dy vjet.

Shkencëtarët nga Suedia kanë përcaktuar se është një gjen që “i thotë” trupit të prodhojë një proteinë që është efektive në shkatërrimin e grimcave virale të SARS-CoV-2, raportojnë mediat.

Proteina OAS-1 ndryshon në gjatësi dhe kur është më e gjatë arrin të shkatërrojë më mirë grimcat e virusit. Gjeni që përcakton gjatësinë e tij gjendet në përqindje të ndryshme tek njerëzit me origjinë të ndryshme.

Studiuesit në Institutin Karolinska në Suedi thonë se tetë në dhjetë persona me prejardhje afrikane dhe një në tre njerëz me origjinë evropiane e kanë këtë gjen, i cili ul ashpërsinë e pamjes klinike me 20 për qind.

“Të kuptuarit sesi faktorët e rrezikut gjenetik ndikojnë në sëmundje do të jetë çelësi për zbulimin dhe zhvillimin e barnave të reja”, tha Dr. Brent Richards nga Universiteti McFally, një nga bashkëautorët e studimit.

 

Video e ditës