Ky vit është një rekord për numrin e zjarreve në Evropën Jugperëndimore

zjarri
Zjarri / Foto: Unsplash/Matt Palmer

Zjarret që kanë shkatërruar dhjetëra mijëra hektarë pyje në Francë, Spanjë dhe Portugali e kanë bërë vitin 2022 një vit rekord për Evropën Jugperëndimore, tha sot shërbimi i monitorimit satelitor i BE-së.

Për shkak të vapës së zgjatur tropikale që rezultoi në rekorde temperaturash, tre muajt e fundit në Francë kanë regjistruar parametra rekord të lartë të ndotjes së ajrit ndaj dioksidit të karbonit, që nga fillimi i matjeve në 2003. Dhe në Spanjë muajin e kaluar, emetimi më i madh i dioksidit të karbonit në histori u regjistrua pas monitorimit të zjarreve.

Shërbimi thekson se pjesa më e madhe e Evropës Perëndimore është tani në "rrezik ekstrem zjarri", dhe në disa zona "shumë ekstrem".

Në nivel global, deri më tani 2022 është viti i katërt në krahasim me intensitetin e ndotjes së atmosferës me dioksid karboni të shkaktuar nga zjarret në pyje.

Shkencëtarët thonë se valët e të nxehtit të ndjekura nga moti jashtëzakonisht i nxehtë dhe i thatë në Evropën Perëndimore janë ndoshta edhe pasojë e ndryshimeve klimatike të shkaktuara nga njerëzit.

Video e ditës