Ministri kroat i Shëndetësisë Vili Beros konfirmoi se ka nisur një hetim për vdekjen e gazetarit të Indeksit, Vladimir Matijaniç.

Më herët gazetarja e Indeksit Andrea Topic dhe shoqja e jetës së 50-vjeçarit Matijaniç publikoi një kronologji ngjarjesh ku zbuloi se shërbimet e urgjencës nuk donin ta shtronin në spital gazetarin.

Gjegjësisht, dy orë para vdekjes së tij, ekipi i urgjencës i ka shpjeguar se janë simptoma normale të Covid-it dhe nuk kanë dashur ta shtrojnë në spital. As klinika e urgjencës infektive dhe as mjeku kujdestar nuk u përgjigjën.

Gjithashtu, dy ditë më parë, Matijaniçit iu tha në spital se në Kroaci ka mungesë të barnave për të parandaluar pasojat e rënda të Covid-it që u jepen pacientëve si ai.

E gjithë kjo tregon për trajtim jo të besueshëm, për këtë arsye është nisur një hetim zyrtar, shkruan Index.