Osmani: Përshpejtimi i integrimeve euroatlantike të vendeve të Ballkanit Perëndimor është një kontribut i rëndësishëm për stabilitetin rajonal dhe evropian

Sfidat aktuale me të cilat përballet komuniteti transatlantik, me theks të veçantë në pasojat e agresionit ushtarak rus kundër Ukrainës, përballja me krizën energjetike, rritja e qëndrueshmërisë së demokracive, si dhe prioritetet për veprim në marrëdhëniet transatlantike ishin në fokus të bisedave në takimin tradicional. Darka vjetore transatlantike në Nju Jork, në margjinat e Asamblesë së 77-të të Përgjithshme të OKB-së, organizuar nga Nënsekretarja e Shtetit për Çështje Politike të SHBA-së, Victoria Nuland, ku mori pjesë edhe Ministri i Punëve të Jashtme Bujar Osmani.

Në fjalën e tij, Osmani përshëndeti unitetin e aleatëve të NATO-s në drejtim të mbështetjes pa kompromis për sovranitetin dhe integritetin territorial të Ukrainës, duke theksuar në të njëjtën kohë serinë e hapave dhe masave të ndërmarra deri më tani në përgjigje të agresionit rus nga Maqedonia e Veriut si anëtar i besueshëm i Aleancës.

Siç njofton MPJ, Osmani ka theksuar edhe nevojën për përshpejtimin e integrimeve euroatlantike të vendeve të rajonit të Ballkanit Perëndimor, si një kontribut i rëndësishëm për stabilitetin rajonal dhe evropian.

- Zgjerimi i BE-së me vendet e Ballkanit Perëndimor është veçanërisht i rëndësishëm në drejtim të sigurimit të një rajoni të qëndrueshëm dhe elastik në kontekstin aktual të pasigurt gjeopolitik. Në të njëjtën kohë, për të ruajtur sigurinë rajonale, evropiane dhe transatlantike, kërkohet nevoja për rritjen e angazhimit dhe pranisë së NATO-s dhe Shteteve të Bashkuara në zonat tona, përfundoi Osmani.

Video e ditës