Zëdhënësi i BDI-së dhe ministër i Punëve të Jashtme, Bujar Osmani, sonte në një paraqitje të ftuar në televizionin “21”, ai tha se “nuk është e drejtë ndaj liderit të BDI-së, Ali Ahmeti, çfarë po i bëjnë nga i ashtuquajturi “grupi i zjarrit”.

“Ahmeti është një person historik. Ahmeti ka 20 vjet që punon për interesat e shtetit. Ai është njeriu që mbron gjithmonë interesat e shtetit. E shihni, Ali Ahmeti punoi që Maqedonia e Veriut të bëhet anëtare e NATO-s, tani ai po punon shumë për të bashkuar të gjitha partitë politike që duan ta shohin Maqedoninë në BE. Ahmeti ishte në Ohër edhe në komunikim të plotë me faktorin ndërkombëtar për të gjetur një kompromis në mes të Kosovës dhe Serbisë, për të pasur një rajon stabil dhe kjo është veçanërisht e rëndësishme tani që ka një luftë jo larg këtu. Prandaj mendoj se nuk është e drejtë me të çfarë po bëjnë shokët e tij nga “zjarri” – derisa Ahmeti avokon për zgjidhjen e politikave strategjike, e kanë “lodhur” me gjëra të vogla”, thotë Osmani.