Ministri i Punëve të Jashtme, Bujar Osmani, sot do të marrë pjesë në takimin e Ministrave të Punëve të Jashtme të Procesit të Bashkëpunimit të Evropës Juglindore (SECP), i cili po mbahet në Budva. Takimi mbahet më pak se një muaj para marrjes formale të presidencës nga Republika e Maqedonisë së Veriut, më 1 korrik.

Siç njofton Ministria e Punëve të Jashtme, pas seancës plenare, së bashku me përfaqësuesit e tre kryetareve - Greqisë, Malit të Zi dhe Maqedonisë së Veriut - Osmani do të mbajë një konferencë për media, ndërsa në margjinat e takimit ministror do të zhvillon edhe takime dypalëshe me homologët e tij.vendet anëtare të nismës.

Procesi për bashkëpunim në Evropën Juglindore është krijuar në qershor të vitit 1996, me qëllim të thellimit të marrëdhënieve dhe bashkëpunimit ndërmjet vendeve të rajonit. Nisma synon krijimin e një rajoni të bazuar në demokraci dhe prosperitet ekonomik dhe integrim të plotë të kësaj pjese të kontinentit në strukturat evropiane dhe euroatlantike.

Maqedonia e Veriut ka qenë e përfshirë në nismë që nga fillimi dhe e ka kryesuar atë në dy raste, 2000-2001 dhe 2012-2013. Përveç Maqedonisë së Veriut, anëtarë janë Shqipëria, Bosnja dhe Hercegovina, Bullgaria, Greqia, Kosova, Moldavia, Rumania, Serbia, Sllovenia, Turqia, Kroacia dhe Mali i Zi.