Ministri i Punëve të Jashtme të Republikës së Maqedonisë së Veriut, Bujar Osmani, sot do të marrë pjesë në takimin ministror të Koalicionit Global kundër DAESH/ISIS në Riad të Arabisë Saudite.

Siç informon MPJ, takimin ministror e organizojnë Sekretari Amerikan i Shtetit Anthony Blinken dhe ministri i Punëve të Jashtme të Arabisë Saudite, Faisal bin Farhan Al-Saud.

Ministrat nga shtetet anëtare të Koalicionit Global do të diskutojnë Daesh/ISIS në Irak dhe Siri, Afrikë, Azinë Qendrore dhe Afganistan dhe se si grupet e punës të Koalicionit po merren me këto kërcënime, thuhet në deklaratë.

Në takimin vjetor ministror të Koalicionit Global për të Luftuar Daesh/ISIS do të marrin pjesë përfaqësues nga gjithsej 86 vende nga të pesë kontinentet që janë pjesë e Koalicionit.