Ministri i Brendshëm Oliver Spasovski thotë se po ndërmerren masa të gjera hetimore për zbardhjen e rastit në të cilin është penguar arratisja e organizuar nga IEVP Idrizovë, përmes hapjes së një tuneli nëntokësor nga të burgosurit në Idrizovë.

“Aty po merren masa të gjera hetimore, jo vetëm tani pas zbulimit, ai proces ka nisur më parë. Gjithçka që përfshihet në ato masa hetimore, duke mundësuar sigurimin e provave, po punohet në bashkëpunim me prokurorin publik për krimin e organizuar dhe sigurisht që do të jetë një rast i gjerë ku pjesëmarrja e punonjësve në institucionet e burgjeve. sigurisht që edhe duhet të dëshmohet”, tha Spasovski sot në përgjigje të pyetjes së një gazetari.

Ai thotë se policia ka ditur rreth dy muaj se çfarë po përgatitej në burg.

“Gjatë gjithë kohës jemi duke punuar bashkë me Administratën e Ekzekutimit të Sanksioneve, Agjencinë e Sigurisë Kombëtare dhe në këtë kuadër është ngritur niveli i sigurisë si në burg ashtu edhe jashtë burgut. Ministria e Drejtësisë dhe Administrata për ekzekutim të sanksioneve janë kompetente, por MPB-ja ka qenë gjithmonë aty për të ndihmuar dhe për të mos cenuar sigurinë, tha Spasovski, duke thënë se duhet të ketë sanksione dhe përgjegjësi për cilindo që ka kryer vepër penale.

Do t'u duheshin 12 traktorë: Nuk dihet se ku e kanë marrë dheun e nxjerrë nga tuneli në Idrizovë të burgosurit