Një 18-vjeçar nga Shkupi ka vjedhur një veturë Alfa Romeo dhe ka bërë tërbim përgjatë bulevardit Boris Trajkovski, ku ka goditur drejtpërdrejt një këmbësor, i cili më vonë u nënshtrua plagëve të marra. Shoferi i tërbuar nuk e ka ndihmuar viktimën, por ka vazhduar të ecë me vrap përgjatë bulevardit, duke u përplasur me gardhin metalik. Pas kësaj ai ka lënë veturën dhe ka ikur, njofton Prokuroria Themelore Publike.

Siç njofton Prokuroria Publike, më 30 gusht të këtij viti, personi në mënyrë të kundërligjshme e ka marrë veturën e dikujt tjetër nga parkingu para objektit që ndodhet në bulevardin “Brigada Treta Maqedonase” me qëllim që ta përdorë për vozitje. Duke drejtuar veturën e vjedhur "Alfa Romeo" me targa të Shkupit, në bulevardin "Boris Trajkovski", i dyshuari nuk i është respektuar rregulloret dhe me këtë ka rrezikuar komunikacionin publik dhe ka vënë në rrezik jetën e njerëzve.

Veturën e ka vozitur pa patentë shofer dhe shpejtësinë e mjetit nuk e ka përshtatur me vetitë e rrugës, dendësinë e trafikut dhe kushtet tjera të komunikacionit, ka humbur kontrollin mbi timonin dhe mjeti ka dalë nga rruga në trotuar në anën e djathtë, ku ka goditur një trup në këmbë. Si pasojë e goditjes, viktima, e cila po ecte si këmbësore në trotuar, ka pësuar lëndime të rënda dhe më pas ka ndërruar jetë.

Pas goditjes, pa i ofruar ndihmë viktimës, i dyshuari ka vazhduar të vozisë, sërish ka humbur kontrollin mbi timonin e veturës dhe ka goditur një gardh metalik. Ai ka lënë mjetin dhe është larguar në këmbë nga vendi i ngjarjes, duke u fshehur nga forcat e rendit.

- Meqenëse ekzistojnë rrethana që tregojnë rrezik për arratisje dhe ekzistojnë rrethana të veçanta që arsyetojnë frikën se i dyshuari do ta përsërisë veprën, prokurori publik sot pasdite i ka dorëzuar gjyqtarit të procedurës paraprake nga Gjykata Themelore Penale Shkup propozim për për caktimin e masës së paraburgimit, thuhet në njoftim.nga JO.