Zyrtare: Witsel është lojtar i ri i Atletico Madridit
Lojtari i kombëtares belge, Axel Witsel (33) është nënshkrimi i parë për Atlético Madrid në afatin kalimtar të verës. Mesfushori me përvojë ka nënshkruar kontratë njëvjeçare me skuadrën spanjolle.
Witsel i bashkohet Atleticos nga Borussia Dortmund si agjent i lirë me insistimin e trajnerit Diego Simeone. Ai duhet të përfaqësojë një zëvendësues për Hector Herrera, i cili u largua nga klubi dhe shkoi në ligën MLS në ekipin e Houston Dynamo.
Witsel e filloi karrierën e tij në Standard Liège, dhe luajti edhe për Benfica, Zenit, Tianjin kinez dhe Borussia Dortmund, ndërsa për kombëtaren belge luajti 124 ndeshje dhe shënoi dy gola.
🇧🇪 Axel Witsel është një lojtar i ri Bardhekuq!
🔴⚪ Ndërkombëtari belg ka nënshkruar me klubin tonë për një sezon.
➡ https://t.co/nmK1eeYAwr pic.twitter.com/gkob3ZT6km
- Atlético de Madrid (@atletienglish) Korrik 6, 2022