Zyrtare: Tenisistët rusë dhe bjellorusë do të mund të luajnë në Wimbledon
Tenisistët rusë dhe bjellorusë do të mund të luajnë sërish në turneun më të madh të tenisit, Wimbledon, pasi sot u mor vendimi për heqjen e ndalimit që i pengoi ata të marrin pjesë në këtë turne.
Sanksione të tilla janë vendosur që nga fillimi i konfliktit ushtarak në Ukrainë dhe pas bisedimeve të gjata, sot zyrtarisht është hapur drita jeshile për kthimin e tyre nga ky vit. Sipas vendimit, ata do të mund të performojnë si tenistë neutralë.
Megjithatë, ata do të duhet të plotësojnë dy kushte, të mos mbështesin regjimin rus dhe bjellorus dhe të mos financohen nga fonde apo kompani që menaxhohen drejtpërdrejt nga autoritetet në këtë vend.
Këtë vit, Wimbledon do të fillojë më 3 qershor dhe tenisistët do të kenë leje të luajnë në turnetë e luajtura tradicionalisht para Wimbledonit, si Queen's dhe Eastbourne.