Zyrtare: Portugez Duarte nga sezoni i ardhshëm në Vardar

Gilberto Duarte luan si mbrojtës i majtë / Foto: rkvardar.mk

Për sezonin e ardhshëm një lojtar i ri në Vardari do të jetë ndërkombëtari portugez Gilberto Duarte i cili ka nënshkruar kontratë me kampionin aktual të Maqedonisë. Ai luan si mbrojtës i majtë, dhe vjen nga skuadra e Montpellier nga Franca.

Duarte (197 cm. 31 vjeç) është portugez i parë që luan për Vardarin. Me Montpellier luajti këtë sezon në Champions League dhe shënoi 24 gola. Ai më parë ka luajtur për skuadrat e Portos (Portugali), Wisla Plock (Poloni) dhe Barcelonës (Spanjë).

Së bashku me skuadrën spanjolle ai luajti në turneun F4 në Këln në vitin 2019 kur Vardari fitoi të dytin dhe në finale mundi Barcelonën.

Krahas sulmit, Duarte luan edhe në mbrojtje, çka do të forcojë mbrojtjen e “kuqezinjve”. Duarte ka 91 paraqitje për kombëtaren portugeze dhe ka shënuar 283 gola. Ai këtë sezon në kampionatin francez shënoi 34 gola, ndërsa vitin e kaluar 50 gola.

Duarte gjithashtu luajti në Kampionatin Evropian 2022 për Portugalinë dhe shënoi tetë gola. Portugezi nuk e kaloi fazën e parë pasi Holanda dhe Islanda ishin më të mira se ata. Vardari tashmë i ka nënshkruar për sezonin e ri mesfushori Bozo Andzeliq nga Mali i Zi dhe mbrojtësi i djathtë Nets Cechte nga Sllovenia.

Video e ditës