Vendet e Amerikës së Jugut, Argjentina, Uruguai, Kili dhe Paraguaj shpallën sot një ofertë të përbashkët për të pritur Kupën e Botës në vitin 2030.

Kampioni aktual i botës së bashku me tre vende të tjera fqinje dëshiron të mbledhë kombëtaret më të mira në vitin 2030, pasi Botërori i ardhshëm në vitin 2026 do të mbahet në SHBA, Kanada dhe Meksikë.

Kandidatura e tyre ka një mbështetje të fortë sepse është njëqindvjetori i Kupës së Botës, i pari i të cilit u mbajt në tokën e Amerikës së Jugut në Uruguaj në vitin 1930.

Krahas kandidaturës së amerikano-jugorëve, e cila është zyrtare, shpallet edhe kandidatura e Spanjës dhe Portugalisë për të mbajtur Botërorin në Evropë. Nëse Kupa e Botës në vitin 2030 do t'u jepet amerikano-jugorëve, do të jetë e treta me radhë që do të mbahet jashtë Evropës.