Një zyrtar i sigurisë ukrainase i paidentifikuar tha se disa mijëra ushtarë morën pjesë në inkursion në provincën Kursk të Rusisë.

Sipas tij, qëllimi i inkursionit është destabilizimi i Rusisë dhe shtypja e forcave ruse me sulme të lehta dhe të shpejta.

Rusia pretendon se disa qindra ushtarë ukrainas kryen sulmin e befasishëm më 6 gusht, por sipas një zyrtari të paidentifikuar ukrainas numri i ushtarëve ukrainas ishte shumë më i lartë, "shumë më shumë ... mijëra e mijëra".

- Jemi në ofensivë. Qëllimi është të shtrihen pozicionet e armikut, të shkaktohen humbje maksimale dhe të destabilizohet situata në Rusi - tha përfaqësuesi ukrainas.

Rusia pranoi dje se ukrainasit kishin depërtuar 30 kilometra në zonën e Kurskut.

Presidenti i Ukrainës, Volodymyr Zelenskiy, më 10 gusht konfirmoi për herë të parë se Kievi ka nisur një ofensivë që "shtyn luftën në territorin e agresorit". Qëllimi është shtrirja e pozicioneve të armikut, shkaktimi i humbjeve maksimale dhe destabilizimi i situatës në Rusi, theksoi përfaqësuesi ukrainas.