Nga nesër, 2 tetor, do të nisë pagesa e pensioneve të shtatorit për mbi 330.000 mijë pensionistë, ndonëse disa nga bankat kanë nisur të paguajnë pensionet nga dje. Halkbanka nga dje ka filluar pagesën e pensioneve.

Sipas metodologjisë, shtatori është muaji në të cilin ka rritje të pensioneve dhe këtë shtator ato do të rriten me 5,3 për qind.

Në shifra absolute, kjo do të thotë se pensionistët me pensione më të larta do të marrin rritje prej gati 3.700 denarë, ndërsa pensionistët me pension mesatar (i cili është rreth 20.000 denarë) do të kenë rritje në llogaritë e tyre prej 1.060 denarë.

Me rritjen e shtatorit, pensioni minimal rritet në mbi 13.000 denarë.

Ministria e Punës dhe Politikës Sociale bën të ditur se me dy korrigjimet e këtij viti, pensionet janë rritur në total për 13,7 për qind.