436 trupa të zhvarrosur nga varri masiv në Izyum, të paktën 30 kanë shenja torture, pretendojnë ukrainasit

Një varr masiv u zbulua në Izyum, Ukrainë/Foto; EPA-EFE/OLEG PETRASYUK

436 trupa u zhvarrosën nga varri masiv në Izyum, nga të cilët të paktën 30 kanë shenja të dukshme torture, thanë sot zyrtarët ukrainas.

Guvernatori i rajonit të Kharkiv, Oleh Sinieg dhe kreu i policisë rajonale, Volodymyr Tymoshko, informuan sot për tre varre të tjera të vendosura në zonat që forcat ukrainase rimorën në një kundërofensivë këtë muaj.

Forcat ruse u larguan nga qyteti dy javë më parë pas kundërofensive ukrainase.

Më pas presidenti ukrainas Volodymyr Zelensky vizitoi Izyumin dhe deklaroi se "skena është shumë tronditëse" në qytet pas pushtimit rus.

Video e ditës