Asnjëherë nuk është kërkuar raport për mbrojtjen nga zjarri për objektin ku ndodhet diskoteka në Koçan, tregojnë dokumentet e Drejtorisë për Mbrojtje dhe Shpëtim.

Drejtori i Drejtorisë për Mbrojtje dhe Shpëtim, Xhevad Selami, në një prononcim për Televizionin Sitel ka thënë se nuk ka asnjë kërkesë për raportim në dokumentacionin që kanë për këtë objekt.

– Jemi duke shqyrtuar të gjithë dokumentacionin për objektin. “Kemi informacione se është ndërtuar në vitin 1999, është legalizuar në vitin 2005 dhe deri më tani nuk kemi parë që të ketë kërkesë për raport të detajuar”, tha Selami.

Selami sqaron se sipas ligjit, çdo objekt duhet të ketë pajisje mbrojtëse nga zjarri. Dy inspektorë të këtij institucioni po bashkëpunojnë me të tjerët për të përcaktuar shkaqet e sakta të zjarrit.

Sipas informacioneve zyrtare, nga zjarri në Koçan 59 persona kanë humbur jetën dhe 155 janë lënduar.