Prokuroria Themelore Publike e Gostivarit përmes një komunikate ka tentuar të sqarojë çështjen pasi në rrjetet sociale filluan të shpërndahen video për ngjarjet në afërsi të objektit fetar në Galate të Gostivarit dhe i referohen gjoja pengimit të një grupi të qytetarëve për ndërtimin e kishës. , ndërsa policia dyshohet se donte të arrestonte qytetarët e mbledhur para kishës në fshatin Galate e cila ishte dëmtuar ndjeshëm në konfliktin ushtarak të vitit 2001.

OJO e Gostivarit pretendon se informacionet e publikuara që shpërndahen në rrjetet sociale dhe merren nga disa media janë të pavërteta.

“Prokuroria themelore publike Gostivar e njofton opinionin se prokurori publik nuk ka lëshuar urdhër për arrestimin apo ndalimin e asnjë personi. Prokuroria Themelore Publike Gostivar është njoftuar se Ministria e Punëve të Brendshme po vepron në rastin konkret pas kallëzimit të Komunës së Vrapçishtit për punë ndërtimore pa leje në afërsi të rrugës kryesore. Puna është ndërprerë dhe sipas udhëzimeve të prokurorit publik sot ekipet policore do të kryejnë kontroll në vendngjarje për të konstatuar gjendjen e objektit dhe punimet që janë kryer, si dhe nëse ka çdo element i veprës penale në tërë ngjarjen”, thuhet në njoftim.OJO Gostivar.

Videoja e postuar në Facebook tregon Kishën e Shën Petkës në Galate, banorët dhe praninë e shtuar të policisë në përpjekje për të ndaluar makinerinë e ndërtimit dhe njerëzit për të pastruar zonën përreth kishës për të cilën ata mblodhën fonde për rinovimin. Në njoftim, banorët i kërkojnë llogari ministrit të Punëve të Brendshme Pançe Toshkovski për atmosferën e tensionuar dhe ndërhyrjen e forcave policore.