Duke marrë parasysh krizën ekonomike dhe energjetike, ndotja e ajrit pritet të rritet këtë dimër, tha ministri i Mjedisit dhe Planifikimit Hapësinor Naser Nuredini në konferencën e sotme për media. Ai u bëri thirrje qytetarëve që të kenë kujdes se si i ngrohin amvisëritë, pra të mos përdorin materiale që ndotin mjedisin.

“Do të importojmë naftë dhe qymyr, më e pakta që kërkojmë është që të respektohen standardet për mazutin dhe qymyrin që importojmë. Jemi të vetëdijshëm se institucionet – spitalet, kopshtet, shkollat... janë ndotësit më të mëdhenj. Me shumë mundësi do të ketë rritje të ndotjes së ajrit këtë dimër”, theksoi Nuredini.

Ai theksoi se fatkeqësisht kjo nuk është një situatë vetëm në vendin tonë, por në të gjithë Evropën dhe tha se problemi është se Maqedonia ka 30 vjet që nuk ka investuar në energji në vend.

“E kuptoj që është një kohë e vështirë, por apeloj që të gjithë të kenë kujdes se me çfarë ngrohemi, sa ngrohemi dhe të jemi më efiçent në energji. “Qytetarët mund të ngrohen me dru dhe pelet, të cilat janë sipas standardeve, e jo me materiale që gjatë djegies lëshojnë lëndë të dëmshme, të cilat fillimisht ndotin shtëpinë, e më pas mjedisin”, theksoi Nuredini.

Ministri Nuredini në konferencë iu referua edhe thashethemeve në opinion se drutë e zjarrit shiten gati 50 për qind më të lartë se çmimi i tregut. Sipas rregullores së NP “Pyjet Kombëtare”, çmimi për një metër kub dru zjarri është 3 denarë, por në periudhën e fundit, pasi qytetarët filluan të blejnë dru për ngrohjen e shtëpive në dimër, u përhap informacioni se ata paguajnë 000 denarë për metër kub.

Ministri i Mjedisit deklaroi se pasi mësoi për këtë ka alarmuar për problemin në seancën e kaluar të qeverisë dhe, siç theksoi, nesër pret të marrë informacion nga Inspektorati i Tregut dhe Inspektorati Shtetëror i Pyjeve dhe Gjuetisë.

“Këtë temë e kemi hapur në seancën e fundit të qeverisë. Rregullorja thotë 3 denarë. “Pse shitet me çmime të tilla në sektorin privat, presim të marrim informacion nga Inspektorati”, ka theksuar Nuredini.

Realiteti maqedonas: Të pasurit janë ndotësit më të mëdhenj, më të varfërit mbeten pa ndihmë dhe alternativa