Reperi Kanye West akuzohet për sulmi seksual dhe mbytja e një modeleje. Siç thuhet në padinë kundër reperit kontrovers, ai e ka mbytur modelen pasi kanë filmuar videoklipin.

Siç raportohet nga "Sky News" , muzikanti futi gishtat në gojën e viktimës në hotelin Chelsea në Nju Jork në vitin 2010.

Modelja që nisi çështjen ishte në fakt një aktore në video. Siç raportojnë mediat e huaja, ajo kërkon dëmshpërblim dhe dënim për reperin 47-vjeçar. Në padi shtohet se pas filmimit të videos, reperi e ka urdhëruar modelen të ulej në një karrige.

Më pas ai vazhdoi të "imitonte seksin e detyruar oral" me duart e tij dhe reperi dyshohet se bërtiti: "Ky është art f**k, unë jam si Picasso."

Departamenti i Policisë së Nju Jorkut njoftoi se "i merr rastet e sulmeve seksuale dhe përdhunimeve jashtëzakonisht seriozisht dhe u kërkon të gjitha viktimave të raportojnë dhunën".

"Dhe kjo është e gjitha në mënyrë që ne të mund të kryejmë një hetim gjithëpërfshirës dhe të ofrojmë mbështetje për viktimat," thuhet në deklaratë.

Jesse Weinstein, një avokat që përfaqëson modelen, tha se gruaja "ka treguar guxim të madh për të folur kundër disa prej njerëzve më të fuqishëm në industrinë e argëtimit". Reperi nuk është shprehur ende pas këtyre akuzave.

Ish-asistentja padit Kanye West: Ajo pretendon se ai i dërgonte mesazhe me përmbajtje eksplicite