Stimulim i ri për rritjen e sipërfaqeve me drithëra
Ministria e Bujqësisë, Pylltarisë dhe Administrimit të Ujërave ka shpallur masën e re nga Plani nacional për prodhim ushqimor, me të cilën parashihet stimulim shtesë prej 5.760 denarë për hektar për fermerët që do të mbjellin drithëra.
Nga aty thonë se është një masë motivuese shtesë për të gjithë fermerët që kanë një rendiment prej një ose më shumë hektarësh me grurë, elb, thekër, tërshërë dhe luledielli që do t'ua dorëzojnë objekteve vendase përpunuese apo blerëse.
– Kjo mbështetje financiare shtesë për fermerët u siguron atyre fonde shtesë si mbështetje gjatë procesit të prodhimit të drithërave. Ftojmë të gjithë fermerët e drithërave të aplikojnë dhe ta përdorin atë. Afati për aplikim për mbështetjen shtesë prej gati 100 euro për rendiment të shtuar është deri në fund të tetorit të këtij viti”, thuhet në njoftim.
Plani Kombëtar i Prodhimit të Ushqimit i miratuar parashikon mbështetje edhe për fermerët në prokurimin e plehut artificial dhe mbështetje për këtë masë tashmë është paguar për 3.304 fermerë përmes Fondit të Ndërhyrjes.