Qeveria dhe kompania zvicerane “DM Bau AG” nënshkruan marrëveshje për ndihmë shtetërore, njoftoi në një konferencë për media kryeministri Hristijan Mickoski. Ai informoi se bëhet fjalë për një investim prej së paku 7 milionë eurosh, i cili do të vendoset në Zonën Industriale në Kumanovë dhe do të hapë 200 vende të reja pune.

-Sipas marrëveshjes, investimi do të kalojë këtë shumë minimale, e cila është menduar për blerjen e truallit, si dhe makinerive dhe pajisjeve për prodhimin e ndërtesave modulare. “DM Bau AG” është një kompani zvicerane me një xhiro prej disa dhjetëra milionë franga zvicerane, dhe është ndër prodhuesit më të mëdhenj në botë në këtë segment. Prodhimi i tyre bëhet në dy lokacione në Zvicër, kurse në Maqedoni do të jetë afër Kumanovës, më saktësisht në zonën industriale atje. Është një kompleks i madh me disa ndërtesa me 35.000 metra katrorë nën çati. Kompania, e cila meqë ra fjala është në pronësi të bashkatdhetarit tonë, i cili jeton dhe punon në Zvicër, këtë vit ka blerë 72.000 mijë metra katrorë tokë, në të cilën tashmë kanë filluar punimet e tokës. Në gjysmën e parë të vitit 2025 do të fillojë ndërtimi i të gjitha objekteve të paralajmëruara, përfshirë edhe prodhimin e objekteve modulare - sqaroi Mickoski.

Kryeministri është i lumtur që bashkëqytetari ynë vendosi të investojë këtu dhe Qeveria e re po punon shumë për të korrigjuar pasojat e qeverisjes katastrofike të LSDM-së dhe BDI-së.

- Po korrigjojmë gabimet e qeverisë së kaluar dhe mund të them se po ndjekim rezultatin historikisht më të lartë në tërheqjen e investimeve të huaja direkte, të cilat do të arrijnë në 1 miliard euro këtë vit. Ky nuk do të jetë i vetmi investim i kësaj jave dhe po paralajmëroj një tjetër deri në fund të javës me vendosjen e një gurthemeli tjetër. Këto janë rezultate të shkëlqyera në kushte të vështira gjeostrategjike - vlerësoi Mickoski.

Përfaqësuesi i ekipit menaxhues të “DM Bau AG” tregoi se ata janë një kompani zvicerane që fokusohen në strukturat e parafabrikuara prej druri dhe kanë menduar me shumë kujdes për zgjerimin e tyre.

- Ne kontrolluam me kujdes disa vende dhe mundësi të ndryshme se ku mund ta zgjerojmë kompaninë dhe më në fund jemi vërtet të lumtur që Maqedonia e Veriut u shfaq si vendi që zgjodhëm dhe mendoj se deri më tani ka shkuar mirë - dialogu, hapja, gjetja e një zgjidhjeje. . Na tregoi se vendimi ynë ishte i drejtë. Prandaj, ne me të vërtetë presim që të fillojmë procesin tonë këtu dhe jemi të sigurt se së bashku me ju mund të ndërtojmë një kompani të suksesshme në Maqedoninë e Veriut. Ne jemi gjithashtu shumë krenarë që projekti ynë është në vazhdim. Presim me padurim që të mund të krijojmë vende të reja pune, mundësi të reja këtu, në këtë rajon, si dhe të shtojmë vlerën kur bëhet fjalë për arsimimin dhe trajnimin për strukturat e parafabrikuara - theksoi ekipi menaxhues.