Ligji i ri i mediave sociale në Utah: Fëmijët duhet të kenë miratimin e prindërve për t'i përdorur ato
Fëmijët dhe adoleshentët në Utah do të humbasin aksesin në aplikacionet e rrjeteve sociale nëse nuk kanë pëlqimin e prindërve dhe do t'u nënshtrohen kufizimeve të tjera sipas ligjit të parë të SHBA-së, i krijuar për të mbrojtur të rinjtë nga platformat e varësisë.
Dy ligje të nënshkruara dje nga guvernatori republikan i shtetit Spencer Cox ndalojnë fëmijët nën 18 vjeç të përdorin mediat sociale midis orës 22:30 dhe 6:30 të mëngjesit, kërkojnë verifikimin e moshës për këdo që dëshiron të përdorë mediat sociale në shtet dhe hap derën për për padi në emër të fëmijëve që pretendojnë se rrjetet sociale i kanë dëmtuar. Të marra së bashku, të dy ligjet synojnë të parandalojnë që fëmijët të joshen në aplikacione përmes veçorive të varësisë dhe reklamave.
Kompanitë pritet të paraqesin pretendime dhe kundërshtime përpara se ligjet të hyjnë në fuqi në mars 2024.
Legjislatura e Utah-s dominohet nga republikanët.