Instituti sizmologjik norvegjez "Norsar" regjistroi një "shpërthim" nga drejtimi i rajonit ku ndodhet diga ukrainase Kakhovka në momentin e shkatërrimit të saj të martën, tha sot një zyrtar i lartë i institutit.

Deklarata, e cila nuk ia atribuoi asnjërën palë shkakun e shpërthimit, mbështeti idenë se diga, e cila është në një zonë nën kontrollin rus, kishte dështuar për shkak të dëmtimit që kishte pësuar në një bombardim të mëparshëm. "Ne jemi të sigurt se ka pasur një shpërthim," tha Ben Dando.

Sipas këtij instituti të pavarur, shpërthimi ndodhi në orën 2:54 të mëngjesit me orën lokale, në një vend, koordinatat e të cilit korrespondojnë me digën Kakhovka në lumin Dnieper. Magnituda ishte “midis 1 dhe 2”, saktëson Norsar, i cili ende nuk ka llogaritur se sa ton tritol ka. "Nuk është një shpërthim i dobët," tha Dando. Ai u zbulua nga stacioni matës në Bukovinë të Rumanisë, i cili ndodhet rreth 620 kilometra nga vendi ku ndodhi.

Rusia dhe Ukraina fajësojnë njëra-tjetrën për shembjen e digës, e cila përmbyti fshatrat dhe qytetet në të dy brigjet e lumit, duke përfshirë pjesë të qytetit të Kherson, duke detyruar mijëra njerëz të evakuohen.