Komandantët e forcave ajrore të Suedisë, Norvegjisë, Finlandës dhe Danimarkës thanë sot se kishin nënshkruar një letër qëllimi për të krijuar një mbrojtje ajrore të unifikuar nordike për të kundërshtuar atë që ata e quajtën "kërcënimi në rritje nga Rusia".

Mediat britanike bëjnë të ditur se qëllimi i mbrojtjes ajrore nordike është të veprojë në bazë të metodave tashmë të njohura të veprimit në kuadër të NATO-s.

“Ideja e integrimit të forcave ajrore u iniciua në fillim të pushtimit rus të Ukrainës”, tha komandanti i forcave ajrore daneze, gjeneralmajor Jan Damm.

Në nënshkrimin e letrës së qëllimit, në bazën ajrore Ramstein, në Gjermani, javën e kaluar mori pjesë kreu i Komandës Ajrore të NATO-s, gjeneral James Hacker, i cili është gjithashtu përgjegjës për Forcat Ajrore të SHBA në rajon.

Suedia dhe Finlanda aplikuan për anëtarësim në NATO vitin e kaluar dhe kërkesat e tyre ende duhet të ratifikohen nga Turqia dhe Hungaria.