Deri në fund të ditës do të mbajë mot me vranësira të pjesshme me reshje të kohëpaskohshme shiuNë malet dhe vendet më të larta do të ketë borë, ndërsa në vendet më të ulëta reshje shiu dhe bore, njofton Administrata për Çështje Hidrometeorologjike (HMRC).

Siç bëjnë të ditur nga atje, Do të fryjë erë e fortë nga drejtimi veriperëndimor që do të vazhdojë gjatë gjithë natës kur në disa vende do të fryjë e fortë mbi 80 kilometra në orë, ndërsa në male mbi 90 kilometra në orë. Kjo do të shkaktojë një rënie të papritur dhe të ndjeshme të temperaturës.

Në Luginën e Shkupit do të mbajë mot me vranësira të pjesshme me reshje të dobëta të shiut, të cilët në fund të ditës dhe gjatë natës në pjesë të luginës do të kalojnë në borë. Do të fryjë erë mesatare deri e fortë nga drejtimi veriperëndimor, e cila do të intensifikohet më tej gjatë natës.

Sot deri në ora 16 në Popova Shapkë lartësia e mbulesës së borës ka qenë 64 centimetra, në Mavrovë Anovi 16, Lazaropole 13, Krushevë dhe Gjurishtë 5, Berovë 4 dhe 2 centimetra në Kriva Pallankë. Më së shumti shi ka rënë në Kriva Pallankë, 5 litra për metër katror.

Temperaturat e ulëta do të qëndrojnë edhe në ditët në vijim, ndërsa të hënën temperaturat ditore do të jenë nën zero.