Portieri i Bayern Munichut dhe i kombëtares gjermane, Manuel Neuer, ka nënshkruar kontratë të re dyvjeçare me skuadrën bavareze.

“Jam shumë i lumtur që bashkëpunimi im me Bayernin vazhdon. Do të kemi sërish një ekip të mirë me të cilin do të mund të luftojmë për të gjithë trofetë. “Si portier dhe kapiten skuadre, dua të jem një shtyllë dhe mbështetje në arritjen e qëllimeve të mëposhtme”, tha Neuer pas nënshkrimit të kontratës.

Manuel Neuer u largua nga Bayerni për në Schalke në vitin 2011 dhe që atëherë është i pazëvendësueshëm në portën e skuadrës bavareze, por edhe të kombëtares gjermane. Në pesë sezonet e fundit ai ka qenë kapiten i Bayernit.

Neuer deri më tani ka luajtur 472 ndeshje për Bayernin dhe ka fituar dhjetë tituj në kampionatin gjerman, pesë trofe në kupën kombëtare dhe gjashtë në Superkupën e Gjermanisë. Ai ka edhe dy tituj në Champions League, Kupën e Botës për Klube dhe Superkupën e Evropës.

- Neuer është portieri më i mirë në botë dhe prej vitesh ka vendosur standarde të reja. “Është një arritje e madhe të qëndrosh në krye për kaq gjatë”, tha menaxheri i përgjithshëm i Bayernit, Oliver Kahn.