Zbulimet në fushën e gjenomeve të zhdukur të hominineve dhe në evolucionin njerëzor i kanë dhënë gjenetikut suedez Svante Pabo Çmimin Nobel në Mjekësi dhe Fiziologji 2022.

Hulumtimi i tij krijoi një disiplinë krejtësisht të re shkencore - paleogjenomikë.

- Me kërkimin pionier, Pabo arriti diçka në dukje të pamundur: renditjen e gjenomit të Neandertalit. Ai gjithashtu bëri zbulimin e bujshëm të paraardhësit të panjohur të Denisov. Pabo zbuloi gjithashtu se transferimi i gjeneve nga këta proto-njerëz tashmë të zhdukur te Homo sapiens ndodhi pas migrimit nga Afrika rreth 70.000 vjet më parë. Ndikimi në gjenet e njeriut të sotëm ka rëndësi fiziologjike dhe mund të japë një përgjigje se si sistemi ynë imunitar reagon ndaj infeksioneve - njoftoi Komiteti Nobel në Stokholm.

Laureatët e Nobelit për fizikë do të shpallen sot, për kiminë nesër, për letërsi të enjten dhe për paqe të premten. Fituesi i Çmimit Nobel për Ekonominë do të shpallet të hënën. Çmimi përbëhet nga një medalje ari, një diplomë dhe një çek për 9 milionë korona (rreth 1 milion euro).