Kryeministri izraelit Benjamin Netanyahu njoftoi zyrtarisht sot se Yehiel Leiter do të jetë ambasadori i ardhshëm i Izraelit në Shtetet e Bashkuara.

Leiter i lindur në SHBA, i cili mori doktoraturën nga Universiteti i Haifës, ishte zëvendësdrejtor i përgjithshëm i Ministrisë së Arsimit, shef i stafit të ministrit të financave gjatë mandatit të Netanyahut dhe kryetar në detyrë i Autoritetit të Porteve, raportoi The Times of Israel ". . .

"Yehiel Leiter është një diplomat shumë i talentuar, një folës elokuent dhe ka një kuptim të thellë të kulturës dhe politikës amerikane," tha Netanyahu.

Ai theksoi se është i bindur se Leiter do ta përfaqësojë Izraelin në mënyrën më të mirë të mundshme, duke i uruar suksese në postin e ri. Leiter do të zëvendësojë Michael Herzog si ambasador i Izraelit në Shtetet e Bashkuara.