Ka ndërruar jetë papritur gazetari i njohur kroat Mislav Bago
Televizioni kroat NOVA njoftoi se redaktori dhe komentatori i tyre politik Mislav Bago vdiq papritur në moshën 48-vjeçare. Ai është gjetur i vdekur në mëngjes, ndërsa nuk ka informacion zyrtar për shkakun e vdekjes.
“Largimi i tij i parakohshëm është një humbje e madhe për ne. Ai ishte një koleg i preferuar, gjithmonë i gatshëm për të ndihmuar. Ai la gjurmë të pashlyeshme në gazetari. Ne e admirojmë pasionin e tij për profesionin e gazetarit, gjithmonë me një ide të re, gjithmonë një hap përpara”, thotë drejtoresha e Lajmeve të Nova Tv, Ksenia Kadrum.
Mislav Bago me stilin dhe shprehjen e tij specifike gazetareske ishte i njohur dhe i respektuar nga audienca televizive maqedonase. Në rrjetet sociale komentohet se pikërisht për shkak të jouniformitetit në profesionin përndryshe të rreptë, ai rritet në një personazh që bëhet pjesë e estradës.
Angazhimin profesional e nis në HTV, ku arrin kulmin si drejtues i emisionit “Otvoreno”. Prej vitit 2009 është redaktor dhe gazetar në NOVA TV.
Ai është fitues i shumë çmimeve, duke përfshirë atë për Gazetarin e Vitit në vitin 2006 për serinë e intervistave me ish-kryeministrat Ivo Sanader dhe Ivica Racan.