Thashethemet po shtohen se PSG dhe Neymar mund të ndahen pas pesë vitesh dhe braziliani mund të vazhdojë karrierën e tij në Premier League.

Burime pranë futbollistit pohojnë se Neymar është gati të largohet nga “Parku i Princave” nëse kjo është dëshira e klubit, por ai kërkon që t’i thuhet drejtpërdrejt personalisht.

Neymar përmendet si një destinacion i ardhshëm në Premier League, ku vetëm tre klube mund të plotësojnë kërkesat e tij. Neymar fiton 35 milionë euro te PSG dhe për momentin një rrogë të tillë mund ta japin Manchester United, Chelsea dhe Newcastle, përveç PSG.

United do të ishte i interesuar për Neymar vetëm nëse Cristiano Ronaldo largohej.

Chelsea ka edhe para për të “mbuluar” rrogën e Neymar nëse ai nuk arrin të gjejë përforcim ekstra cilësor në sulm pas largimit të Romelu Lukakut.

Sa i përket Newcastle, paratë nuk janë problem për klubin më të pasur në botë, por pyetja është nëse Neymar do të donte të luante për një ekip që nuk do të luajë në Kupat e Europës sezonin e ardhshëm.