Banka Popullore paralajmëron skemën e një mënyre të re dhe shumë të rrezikshme të “phishing”, ku me futjen e të dhënave nga kartela e pagesës dhe sigurimin e kodit OTP për autorizim, llogaritë e pagesave të klientëve merren nga mashtruesit dhe u bën thirrje qytetarëve që të tregohuni më të kujdesshëm.

Banka Popullore sqaron se qytetarët marrin një mesazh phishing (SMS, e-mail), në të cilin thuhet urgjenca e pagesës, dërgimi i paketave etj dhe jepet një link ku duhet të bëhet pagesa.

Banka shton se personi i mashtruar ridrejtohet në një faqe interneti “me qëllim të keq”, ku shënon emrin dhe mbiemrin, adresën, numrin serial të kartës, datën e vlefshmërisë dhe kodin CVV nga karta. Mashtruesi përdor këtë informacion për të filluar procesin e hapjes së një portofoli Google Pay.

- Pasi të ketë filluar procedura e mashtruesit për hapjen e portofolit të Google Pay, banka i dërgon viktimës një kod vërtetimi OTP që synon dixhitalizimin e një karte pagese, të cilin mashtruesi, duke menduar se duhet të përfundojë transaksionin e pagesës, e fut në " uebfaqe me qëllim të keq". Me kodin e marrë OTP, mashtruesi kryen regjistrimin në Google Pay dhe që atëherë ka mjete në llogarinë e personit të mashtruar - thuhet në njoftimin e Bankës Popullore në Facebook.

Nga Banka Popullore kërkohet nga qytetarët që të informohen dhe të kenë kujdes për mashtrimet ekzistuese, përmes “phishing”, si dhe të ndjekin rregullisht udhëzimet dhe informacionet e dhëna nga bankat.

- Lexoni me kujdes tekstin për qëllimin e kodit OTP që ju është dhënë. Nëse kodi OTP është dorëzuar me qëllim të dixhitalizimit të kartës suaj të pagesës dhe ju nuk e keni kërkuar atë, ndërprisni aktivitetin dhe kontaktoni menjëherë bankën – thotë banka.

Ata shtojnë se qytetarët duhet të rregullojnë kufijtë e pagesave me kartat e tyre të pagesës sipas nevojave të tyre të zakonshme dhe të monitorojnë rregullisht llogaritë për aktivitete të dyshimta.