Një 30-vjeçar maqedonas, i dyshuar si kreu i një mafie droge që vepron në të gjithë Evropën Qendrore, u arrestua në aeroportin e Gjenevës në 29 janar dhe u ekstradua në Austri. botuar portali zviceran “Blik”.

Sipas autoriteteve hetimore austriake, i arrestuari ishte në kërkim me urdhër-arresti europian që prej vitit 2022, si i dyshuar për organizimin e kontrabandës së të paktën katër kilogramëve heroinë dhe 1,5 kilogramë metamfetaminë. Zyra e prokurorit publik të Linz-it e konsideron atë një anëtar kyç të një rrjeti rajonal të shpërndarjes së drogës.

Bosi maqedonas i drogës, identiteti i të cilit nuk bëhet i ditur, ka fluturuar nga Prishtina dhe ka pasur dokumente të reja të bëra në Maqedoni, me një emër të ndryshuar. Por autoritetet kufitare zvicerane mundën ta identifikonin atë me fytyrë, duke e njohur nga një urdhër arresti.

I dyshuari si bosi i drogës është ekstraduar në Austri dhe bashkë me të janë arrestuar edhe disa persona të tjerë të lidhur, transmeton portali zviceran.