Sulmuesi i Salman Rushdie është me origjinë libaneze

FOTO. Salman Rushdie - EPA-EFE/HAYOUNG JEON

Policia amerikane mbrëmë ka identifikuar sulmuesin e shkrimtarit britanik Salman Rushdie.

Bëhet fjalë për 24-vjeçarin, banues në New Jersey, Hadi Matar, i cili është me origjinë nga Libani. Familja e tij erdhi në Shtetet e Bashkuara nga qyteti jugor libanez Yaroun, tha kryebashkiaku i qytetit. Ali Tehfe. Vetë Matar ka lindur dhe është rritur në Shtetet e Bashkuara, shtoi kryebashkiaku.

Foto: EPA-EFE/@HoratioGates3

Kur u pyet nëse Matar dhe prindërit e tij ishin anëtarë të Hezbollahut apo e mbështesnin Hezbollahun, Tehfe tha se nuk kishte asnjë informacion në lidhje me pikëpamjet politike të prindërve të Matarit apo të vetë Matarit, pasi ata jetojnë jashtë vendit.

Një zëdhënës i grupit militant shiit libanez Hezbollah, të mbështetur nga Irani, tha sot se nuk kishte informacione të mëtejshme për sulmin me thikë ndaj shkrimtarit Salman Rushdie.

“Ne nuk dimë asgjë për këtë çështje, kështu që nuk do të komentojmë”, tha një zyrtar i Hezbollahut.

Video e ditës