Militantët e Al-Shabaab kanë marrë përgjegjësinë për një sulm në një restorant në Mogadishu, kryeqyteti i Somalisë, që vrau të paktën shtatë persona.

Sulmi në restorantin e njohur të hotelit në plazh ka ndodhur në orët e para të mëngjesit të djeshëm.

“Forcat e sigurisë kanë neutralizuar me sukses militantët e al-Shabaab që ishin përgjegjës për sulmin terrorist në hotelin Pearl Beach në Mogadishu. Një numër i madh civilësh u shpëtuan gjatë operacionit”, tha agjencia shtetërore somaleze në Twitter.

Agjencia ka publikuar foto të ndërhyrjes së ushtarëve në restorant. Një ushtar qëndronte pranë një dere xhami që tregonte një vrimë plumbi, me sandale dhe një kovë me rërë pranë tij.

Një kamerier në një restorant aty pranë, Hussein Mohammed, tha për mediat britanike se dëgjoi një shpërthim, i ndjekur nga të shtëna armësh për të nisur sulmin.

- E gjithë zona është e rrethuar nga forcat e sigurisë, tha ai.

Drejtori i Shërbimit Emergjent, Abdikadir Abdirahman, tha se shërbimi deri më tani ka pranuar shtatë të plagosur.

Al-Shabaab është një grup terrorist i lidhur me Al-Kaedën.

"Muxhahidët arritën të hyjnë në Pearl Beach dhe të mbajnë kontrollin," tha grupi terrorist në një deklaratë.

Në nëntor, al-Shabaab sulmoi një hotel tjetër në Mogadishu, duke vrarë nëntë persona. Al-Shabaab kontrollonte pjesën më të madhe të Somalisë përpara se të tërhiqej në një kundërofensivë nga forcat qeveritare. Megjithatë, terroristët janë ende të aftë të kryejnë sulme të rrezikshme ndaj qeverisë, ushtrisë dhe qendrave tregtare. Në maj, luftëtarët e al-Shabaab sulmuan një bazë rreth 130 kilometra nga Mogadishu ku janë vendosur paqeruajtësit Ugandas, duke vrarë 54 ushtarë.