Të paktën tre persona humbën jetën në shpërthimet në qytetin rus të Belgorod, afër Ukrainës

Shpërthim në qytetin rus të Belgorodit / Foto: Twitter / Screenshot

Të paktën tre persona humbën jetën dhe dhjetëra ndërtesa banimi u dëmtuan në qytetin rus Belgorod pranë kufirit ukrainas, tha guvernatori rajonal, Vyacheslav Gladkov, pas raportimeve të disa shpërthimet në qytet.

Të paktën 11 ndërtesa banimi dhe 39 shtëpi private u dëmtuan, pesë prej të cilave u shkatërruan, tha guvernatori Gladkov për kanalin Telegram.

Gladkov më parë deklaroi se incidenti është duke u hetuar, duke shtuar: "Sistemi i mbrojtjes kundërajrore ndoshta ka funksionuar".

- Të paktën katër persona janë lënduar, dhe dy janë shtruar në spital, duke përfshirë një djalë dhjetë vjeçar, tha Gladkov.

Mediat britanike nuk mund të konfirmojnë në mënyrë të pavarur njoftimet për shpërthime, dëme, viktima dhe të plagosur dhe deri më tani nuk ka asnjë reagim nga pala ukrainase.

Belgorod është një qytet me pothuajse 400.000 banorë, rreth 40 kilometra në veri të kufirit me Ukrainën dhe është qendra administrative e rajonit të Belgorodit.

Video e ditës