Mbi 25 mijë raste të reja me Covid në Greqi
Në 24 orët e fundit, në Greqi janë regjistruar një numër në rritje i rasteve me Covid-19, mbi 30.000, nga të cilët 25.566 janë të sapoinfektuar dhe 5.022 janë riinfeksione të mundshme, sipas të dhënave zyrtare nga Organizata Kombëtare e Shëndetit Publik.
Gjithashtu, u regjistruan 19 vdekje dhe 98 pacientë ishin të lidhur në repartet e kujdesit intensiv në spitalet greke.
Javën e kaluar, pas gati tre muajsh, u regjistruan mbi 20.000 mijë raste të reja me Covid-19 dhe duket se trendi rritës vazhdon, ndaj autoritetet po mendojnë vendosjen e masave të pjesshme kundër epidemisë, në kulmin e sezonit turistik. .
Që nga fillimi i pandemisë në vend janë konfirmuar 3.755.074 raste me Covid-19, llogaritet se janë 187.202 riinfeksione, që është 4.7 për qind e numrit total të rezultateve pozitive, dhe gjithsej 30.349 persona kanë vdekur.
Praktika e Organizatës Kombëtare të Shëndetit Publik të Greqisë është në njoftimet e përditshme për situatën me Covid-19, për të publikuar shifrat që lidhen me rastet e reja dhe veçanërisht shifrat me riinfeksione.