Temperaturat minus janë matur në zonat malore dhe në një pjesë të madhe të qyteteve dhe qytezave mëngjesin e sotëm. Më i ftohti ka qenë në Popova Shapkë -15 gradë, ku kanë rënë edhe 61 centimetra borë. Moti sot është pjesërisht i vranët dhe shumë i ftohtë. Në shumë vende do të fryjë erë e fortë deri e fortë (mbi 70 km/h) nga veriu. Vendeve në zonat veriore dhe malore do të bjerë dëborë e dobët. Temperatura maksimale do të arrijë nga -3 deri në 3 gradë.

Në Shkup do të mbajë mot pjesërisht i vranët dhe shumë i ftohtë. Paradite në pjesë të luginës do të bjerë borë e dobët. Do të fryjë erë e fortë nga veriu. Temperatura maksimale do të arrijë në 0 gradë.

Më i ftohti sot në mëngjes ka qenë në Popova Shapkë - 15 gradë, -10 gradë në Mavrovë Anovë dhe Krushevë, në Berovë - 7, Pretor - 6, në Kriva Pallankë, Ohër, Prilep dhe Dibër - 5, Manastir - 4, në Shtip. dhe Vinicë – 3, në Shkup-Zajçev Rid, Tetovë dhe Strumicë – 2, në Shkup-Petrovec dhe Demir Kapi – 1, në Dojran 0 dhe në Gjevgjeli 1 shkallë.

Më shumë borë ka rënë në Popova Shapkë 61 centimetra, në Mavrovë Anovi 16, në Gjurishtë gjashtë, në Krushevë pesë, në Berovë katër, dhe në Kriva Pallankë dhe Dibër dy centimetra.

Më së shumti shi në 24 orët e fundit ka rënë në Dibër, shtatë litra për metër katror dhe në Kriva Pallankë pesë.