Rreth 200 granata të pashpërthyera të Luftës së Dytë Botërore u zbuluan në një shesh lojrash për fëmijë në Angli
Rreth 200 bomba të pashpërthyera nga Lufta e Dytë Botërore janë zbuluar në një shesh lojërash për fëmijë në Northumberland, Anglia Veriore.
Rekomanduar
Autoritetet konfirmuan lajmin për zbulimin e 178 pjesëve, duke shtuar se kontrollet po vazhdojnë për të gjetur dhe shkatërruar të gjitha bombat përpara se parku të rihapet për publikun.
Ngjarja ka ndodhur gjatë punimeve të ndërtimit në këndin e lojërave për fëmijë.
Më shumë bomba të Luftës së Dytë Botërore u gjetën nën shesh lojërash për fëmijë https://t.co/4WPjaFFSiw
- BBC News (UK) (@BBCNews) Shkurt 10, 2025
Ekspertët e mjeteve shpërthyese po punojnë intensivisht për të rikuperuar në mënyrë të sigurt të gjitha bombat që janë përdorur për aktivitete stërvitore, por ende përmbajnë ngarkesa shpërthyese.
“Duke pasur parasysh numrin e madh të bombave, ato duhet të gërmohen nga profesionistë për të garantuar sigurinë e plotë të zonës”, thuhet në deklaratë. Ndërkohë, këndi i lojërave do të qëndrojë i mbyllur deri në përfundimin e të gjitha kontrolleve dhe pastrimit.
Ky nuk është rasti i vetëm i municioneve të pashpërthyera të zbuluara në Angli vitet e fundit.
Në shkurt 2024, mijëra banorë u evakuuan në Plymouth pasi një bombë 500 paund u zbulua në një kopsht.
Autoritetet lokale paralajmërojnë se me zbulime të tilla që datojnë që nga Lufta e Dytë Botërore, kujdesi dhe ndërhyrjet e shpejta janë thelbësore për të garantuar sigurinë e qytetarëve. Pastrimi i zonës pritet të zgjasë disa javë.
