Kampioni aktual i Maqedonisë në basketboll, MZT Shkupi, sezonin e ri e nisi me fitore të lehtë ndaj Kozhufit prej 86:64.

Fitorja e klubit të Aerodromit u paralajmërua që në fillim me epërsinë 21:3 në gjashtë minutat e para. Mysafirët nga Gjevgjelia nuk patën shanse dhe MZT po godiste edhe trepikëshat.

Nga minuta në minutë, avantazhi i favoritit u rrit vetëm me diferencën më të lartë prej 32 pikësh në setin e tretë (72:40).

Edhe trajneri i MZT-së, Vasko Atanasov, ka shfrytëzuar këtë ndeshje për t'u dhënë kohë basketbollistëve që luajnë më pak. MZT-ja tashmë të mërkurën e pret ndeshjen kundër Gostivarit dhe më pas turneun e parë nga liga ABA2 në fundjavën e ardhshme.

Dushan Tanaskovic me 17 pikë dhe shtatë kërcime ishte më i saktë te MZT, ndërsa Kolin Slater me 16 pikë ishte më efektivi te Kozuv.

Me fitore e nisi sezonin i rikthyeri në elitë, skuadra e Vardarit, e cila pas një lufte të madhe në shtëpi mposhti debutuesin në ligën e parë, GKK Ohër (90-83).