Në kulmin e festave të Vitit të Ri dhe Krishtlindjeve, Ministria e Brendshme organizon një fushatë të re parandaluese “Jo piroteknikë, siguria në radhë të parë”, me qëllim informimin e qytetarëve për pasojat dhe dëmtimet e mundshme nga përdorimi i fishekzjarreve dhe mjeteve të tjera piroteknike. si dhe për vendosjen e sanksioneve për shitjen dhe përdorimin e paligjshëm të lëndëve piroteknike.

- Në bashkëpunim me Kryqin e Kuq zhvillojmë një sërë aktivitetesh, shpërndahen fletëpalosje me përmbajtje edukative, organizojmë ushtrime demonstruese ku qytetarët mund të shohin se çfarë pasojash mund të ketë përdorimi i këtyre mjeteve. Ministria e Punëve të Brendshme ndërmerr edhe masa represive, me qëllim të sanksionimit të përdorimit të fishekzjarreve dhe mjeteve të tjera piroteknike, si dhe u kujton qytetarëve dispozitat ligjore që sanksionojnë përdorimin e mjeteve piroteknike dhe shitjen e paligjshme të tyre, thotë MPB.