Presidenti turk Rexhep Tajip Erdogan tha sot se është e mundur që Turqia të marrë një vendim për anëtarësimin e Finlandës në NATO, i cili, nga ana tjetër, mund të "trondisë" Suedinë.

“Nëse është e nevojshme, ne mund të dërgojmë një përgjigje tjetër për Finlandën. “Suedia do të tronditet kur të japim një përgjigje ndryshe për Finlandën”, tha Erdogan në një takim me të rinjtë në qytetin turk të Bilecik.

Më 18 maj të vitit të kaluar, Finlanda dhe Suedia i paraqitën Sekretarit të Përgjithshëm të NATO-s kërkesat e tyre për pranim në Aleancë. Deri më tani ato janë ratifikuar nga 28 shtete anëtare dhe vetëm Turqia dhe Hungaria nuk e kanë bërë këtë.

Ministri i Punëve të Jashtme të Suedisë, Tobias Bilström, tha dy ditë më parë se për shkak të djegies së Kuranit në Stokholm, procesi i anëtarësimit në NATO ishte pezulluar, por tha se shpresonte se një marrëveshje me Ankaranë do të arrihet në një samit të ministrave të jashtëm të NATO-s në korrik në Vilnius.

Më herët shefi i diplomacisë finlandeze, Pekka Havisto, tha se është e mundur që procedura e ratifikimit të kërkesës së vendit për anëtarësim në Aleancën e Atlantikut të Veriut të vazhdojë veçmas nga Suedia, por më pas ai e tërhoqi këtë deklaratë.